OSTIRALA, MAIATZAK 29

BIHAR GARAZI DE LA TORREREN  URTEBETETZEA DA!!!!
ZORIONAK GARAZI, OSO ONGI OSPATU ZURE EGUNA!!!!
MUXU PIIILA BAT DENEN PARTETIK!

   ZORIONAK ABESTIA. KLIKATU HEMEN.

                      

UDABERRIA BARATZAN

NEKAZARITZA ETA ABELTZANTZA:

AURREKO EGUNETAN BAKOITZAREN DEFINIZIOA ZEIN DEN ESAN DIZUEGU.

ZERTAN DESBERDINTZEN DIREN JAKINGO AL ZENUKE ESATEN?

                   NEKAZARITZA                                                       ABELTZANTZA








ELIKAGAI BAKOITZA NONDIK DATORREN JAKINGO DUZU. LOTU DAGOKION AUKERAREKIN. 

BARATZAREN   MARRAZKIA

MATERIALA:

• Orri  bat,
• Erregela luze  bat.
• Arkatza
• Margoak

NOLA  EGIN:

- Baratza  BOST  zatitan  banatuko  dugu. Horretarako orria   21 zentimetrotako karratu 

batean  bihurtuko dugu. Ondoren  hiru ilaratan  banatu, hau  da,  7 zentimetroko hiru ilarak

egin.

- Lehengo  ilara prest duzu  zuk nahi duzun barazkiz  betetzeko.

- Erdiko  ilara bi zatitan banatuko duzu, luzeran 12 zentimetrotara  marra bat  egin. Hemen

  bi  barazki desberdin marraztuko dituzu.

- Azkenik, hirugarren ilaran, luzeran 17 zentimetrotara  marra bat  egin.Eta nahi  dituzun 

beste  bi  barazkiz bete.

Adibide bat: (letxuak, tipulak, azenarioak, patatak  eta  zerbak).

Amaiaren azalpena pausoz-pauso. klikatu hemen. ( baimenak eman behar dira)

Barazkien eskulanak paperekin. Adibideak. Klikatu hemen.

Plastilinarekin ere egin ditzazkezue.

GAURKOAN PROPOSAMEN DESBERDIN BAT EGINGO DIZUEGU.

IPUIN BAT ASMATU BEHAR DUZUE,

GAIA: BASERRIA.

NOLA BURUTU: BAKARKA, BINAKA EDOTA HIRUNAKA. ( BADAKIGU ZUEN ARTEAN BIDEO-DEIAK EGITEN DITUZUELA. IPUINA BURUTZEKO MODU BAT IZAN DAITEKE).

IPUINA ASMATU AHALA ZUEN IRAKASLEI BIDALI MESEDEZ.

GOGORATU IPUIN BATEN ATALAK ZEINTZUK DIREN:

IPUINA:

GUK GAURKOAN ADIBIDEA EMANGO DIZUEGU.

IPUINA  ATALKA  IKUSIKO DUZUE; HASIERA, KORAPILOA  ETA BUKAERA

JON   GOZOKI  JALEA

Bazen behin mutiko gozoki jale amorratua, egunero egunero eta orduro gozokiak jaten
zituena: gosaltzeko txokolatea gailetekin eta hamazazpi gozoki. Bazkaltzeko makarroiak
tomatearekin, esnegaina eta txokolatezko hiru jogurt jaten zituen. Meriendatzeko bollitoak,
gusanitoak eta tryskiak jaten  zituen.

Eskolara zihoanean irakaslearen azalpenak nekez ulertzen zituen eta eskatzen ziotenean ez
zuen lanik egiten. Beti logalez eta oso nekatuta zegoen.

Egun batean ama  eta  aita  eskolara joan ziren irakaslearekin hitz egitera eta irakasleak zera
esan zien:

• “Aizu, Jonek ez du batere lanik egiten eta badirudi ez dabilela ondo. Medikuarengana
• eraman ezazue zer gertatzen zaion jakiteko”.

Hurrengo egunean Jon eta bere gurasoak medikuarengana joan ziren. 

• Kaixo Jon, zer gertazen  zaizu?-esan  zion  medikuak.
• Ez dakit  zer  den,  baina  oso  nekatuta  nabil eta ez  dut  ikasgelan  lan  egiteko 
• gogorik, ez eta kirola egitekorik.- erantzun zion Jonek.
• Esaidazu  zer  jaten  duzun.

Lotsatu xamar egunero zer  jaten  zuen  esan  zion  Jonek.

• Jon, zuk badakizu badirela  elikagai batzuk  oso goxuak  direnak  eta  gainera energía
• eta lan egiteko  gogoa ematen  duten  bitaminak  ematen  dizkigutenak?-esan zio 
• medikuak.

Jon  pentsakor geratu  zen  eta eskolan fruitu, barazki eta elikagai ezberdinei buruzko lan
bat egiten ari  zela  gogoratu  zen  eta medikuari esan zion:

• Mediku jauna, badakit, fruituak eta barazkiak jan behar  ditut.

Harrez geroztik Jon otordu bakoitzean janari desberdinak jaten  hasi zen, fruituak,barazkiak,
arraina,…eta  gozokiak eta litxarkeriak  gutxitu  zituen.

Zein  ondo  ibili zen ordutik aurrera! Aurkikuntza horri esker dena askoz  ere hobeto zihoakion
. Jadanik ez  zuen  nekerik sentitzen, indarra areagotu eta ikasgelan lagunekin lan egiteko
gogoa berreskuratu zuen.

MATEMATIKA:

PROBLEMA:

Atzo baserritar batek bere behiak jetzi zituen (200 behi ditu) eta 425 litro esne lortu

zituen .Gaur, bere esnea, saltzera joan da esne-lantoki batera eta 315 litro esne erosi

dizkiote.

Zenbat litro esne geratu zaio baserritarrari saldu gabe ?

OKALTXO IPUINA. KLIKATU HEMEN.

TESTIGANTZAK:

OIER LOBATOK BEGIRA EZAZUE ZE NOLAKO TESTIGANTZA EGITEN DIGUN. 

ARTXEA BASERRIA

ZIGA HERRIAN DAGO, BAZTANEN. HAN  NERE AMATXI  ETA  AMATXI  KARMEN  JAIO  ZIREN.  1.714 URTEAN
SORTUA DA. 

BASERRI  HARTAN  ANIMALI  ASKO  ZEUDEN IKUILUAN ETA INGURUKO ZELAIETAN.  ADIBIDEZ  8 BEHI,  OILOAK,
3-4 TXERRI,  ZALDI BAT  ETA  ASTOA, BAITA  150  ARDI ERE. IKUILUAZ  GAIN,  BAZEGOEN  BESTE  LEKU  BAT 
LAPIKO  HANDI  BATEKIN  NON  ARBIA  EGOSTEN  ZEN  TXERRIENTZAKO.

BILTZEN ZEN  SAGARRAREKIN  PITARRA  EDO  SAGARDOA  EGITEN ZAN.  ETA  NEGUAN,  GAZTAINA  ASKO 
JASOTZEN  ZIRAN  EGUNERO  JATEN  ZITUZTENAK.  ARKUMEAK  SALTZEN  ZIREN  ETA  ARDI  ESNEAREKIN 
GAZTAK  EGITEN  ZIREN ETXERAKO.  HIRU  TXERRI  HILTZEN ZIREN  URTERO  ETA  HAIEKIN  PRESTATZEN  ZIREN 
JAKI  ASKO.  BABARRUNAK  ETA  GARIA  EREITEN ZIREN  ETXEAN  ERABILTZEKO.  BAKAILUA  KAPOAN  EROSTEN
  ZAN  ARRAINA  JAN AHAL  IZATEKO.

UDAN, SUKALDEA  TXURITZEN  ZAN  ETA   ARTILEZKO  KOLTXOIAK  EGITEN  ZIREN.

1.800 URTEAN SUTE BAT EGON ZAN ETA SUKALDEA ETA  PASILOKO EGUR BATZUK ERRE EGIN ZIRAN. BERRITU
ZAN ONDOREN.

 

OSO EZAGUNA DA ZIGAKO ELIZA, BAZTANEKO KATEDRALA DEITZEN DIOTE. DUELA URTE GUTXI TXIMISTA BATEK

KANPAIDORREAN JO ZUEN ETA ERORI ZEN. ELIZA OSOA BERRITU DUTE DUELA GUTXI. 

GAUR EGUN BIZI DIRA NIRE EMAREN OSABA ETA LEHENGUSUAN FAMILIA.  GUSTOKO DUT BERTARA JOATEA
ETA ZIGAKO  FESTAK  DIRA  NERI  GEHIEN  GUSTATZEN  ZAITENA.

OSO LAN ONAAA OIER!! ESKERRIK ASKO!!